പി ആർ രതീഷ്: വെയിലത്ത്‌ കവിതകൾ വിസിറ്റിംഗ്കാർഡാകുന്ന വിധം

 ചെറുപ്പക്കാരനായ കവിയുടെ മെല്ലിച്ച കൈകളിൽ ചൂടാറാത്ത കവിതാ പുസ്തകം. അപരിചിതന്റെ അമ്പരപ്പിനെ കവി ഒരു സൌഹൃദ ചിരിയിൽ ഇല്ലാതാക്കി.

സംസാരിച്ചിരിക്കുമ്പോൾ കവി തന്റെ കടുത്ത റിബൽ നിലപാടുകൾ വ്യക്തമാക്കുന്നു. ക്ലീഷേയായ പലതിനെയും കവി തള്ളിപ്പറയുന്നു.

 ഒരു പുതുതലമുറ  കവി, കാലഘട്ടത്തിന്റെ അനിവാര്യമായ മാറ്റങ്ങളിലൂടെ  തന്റെ കവിതയെ വായനക്കാരിലേക്ക് നേരിട്ട് സംവദിപ്പിക്കുകയാണ്.

 കവി പുസ്തകം നടന്നു വിലക്കുകയാണ്. ദന്ത ഗോപുരത്തിലിരുന്നു കാവ്യ ചിന്ഹങ്ങളെ റിയുന്ന നവധനിക കവികൾക്ക് മുന്നിൽ ഒരു റിബലായി പി.ആർ .രതീഷ്‌ നില്ക്കുന്നു.  കനൽ പെയ്യുന്ന മേഘങ്ങൾ ,നദികളുടെ വീട്, നട്ടുച്ചയുടെ വിലാസം എന്നിവ ആയിരക്കണക്കിന് പ്രതികളുടെ വില്പ്പനയിലൂടെ കവിതക്കു  ഒരു വലിയ വായന സമൂഹമുണ്ടെന്നു ഞെട്ടലോടെ  ഓര്മ്മിപ്പിക്കുന്നു. ആലപ്പുഴയിൽ നിന്ന് കാറ് വിളിച്ചു വന്നവരും, ഗൾഫ് നാടുകളിലും ,യുറോപ്പിലും നിന്ന് പുസ്തകങ്ങൾ തിരക്കുന്നവർക്കുമിടയിൽ കവി ലാളിത്യത്തോടെ ഇരിക്കുന്നു. കവിയിലെ ഈ വിസിറ്റ്ങ് കാർഡാണ് ഞങ്ങളെ കൊണ്ട് വായിപ്പിച്ചതെന്ന തുറന്നു പറച്ചിലിന് ആസ്വാദകർ ഒരുക്കവുമാണ് .

കണ്ണൂരിലെ വേരുകളിൽ നിന്ന് തൃശൂരിലെ അഥവാ മലബാറിന്റെ തിരക്കുകളിലൂടെയാണ്  കവിയുടെ സഞ്ചാരം. കമ്മിറ്റുമെന്റ് ഭാരങ്ങളില്ലാതെ ഒരു കാവ്യ യാത്ര. ഇടയ്ക്ക് ആനുകാലികങ്ങളിൽ പ്രസ്ധീകരിക്കുന്ന രചനകൾ. പുസ്തകങ്ങൾ. വായനക്കാർ. ലോഡ്ജ്  മുറികളിലെ ഇടുങ്ങിയ ജീവിതം. ചിലപ്പോൾ സുഹൃത്തുക്കളോടൊപ്പം വെടിവട്ടം പറഞ്ഞിരിക്കും , അല്ലെങ്കിൽ യാതകൾ . പി. ആർ .രതീഷിന്റെ കാവ്യാ വഴികളിലൂടെ നടക്കുമ്പോൾ ആ അന്തരീക്ഷം , അയ്യപ്പനെ മണക്കും,കുരീപ്പുഴയെ മണക്കും, ചുള്ളിക്കാടിനെ ഓര്ക്കും, ചിലപ്പോഴൊക്കെ സുരാസു വിനെയും.അരാജകത്വത്തിന്റെ കറുപ്പി ലല്ല പ്രതീക്ഷയുടെ വെളുപ്പിലാണ് രതീഷിന്റെ സ്വപ്ങ്ങൾ.

കവിതയുടെ ക്ലിക്കുകളിൽപ്പെടാതെ ഒഴിഞ്ഞു നടന്നു.അപ്പോഴും നല്ല കവിതകൾക്ക് വേണ്ടിയൊരു കാത്തിരിപ്പ്‌. വിജയിക്കുന്നവരെ സ്തുതി പാടി സ്വീകരിക്കുന്നത്തിനു പകരം തോറ്റ വർ ക്കൊപ്പം നില്ക്കുകയും കരുത്തേകുകയും ചെയ്യുന്നതായിരി ക്കണം  കവിതയുടെ ധർമ മെന്നു, നട്ടുച്ചയുടെ വിലാസത്തിലെ അവതാരികയിൽ പവിത്രൻ തീക്കുനി.

ഒടുങ്ങാത്ത വേദനകളുടെയും അവസാനിക്കാത്ത ജീവിത സമരത്തിന്റെയും അഗ്നിനാളങ്ങളിലൂടെ കടന്ന വരുന്ന കവിതകൾ.ജീവിതത്തോടുള്ള ആസക്തി കവിതകളിലെമ്പാടുമുണ്ട്.അത് തന്നെയാകണം, കവിതകളെ ഒരു വലിയ കാൻവാസിലേക്ക് പറിച്ചു നടുന്നത്. കവിതയെ പുനർവായിക്കുമ്പോൾ പുതിയ അർഥങ്ങളുണ്ടാകുന്നത്, നല്ല ചില സൂചനകൾ തരുന്നു.

നദികളുടെ വീടിന്റെ പിന്നാമ്പുറത്ത്, ഇങ്ങനെ കുറിച്ചിരിക്കുന്നു: ആശാൻ വരച്ചിടത്ത്നിന്നും രതീഷ്‌ തുടങ്ങുന്നു. പ്രണയ മഴയെ കുറിച്ച് ബാലചന്ദ്രൻ ചുള്ളിക്കാട് പറഞ്ഞതും ഒപ്പം ചേർത്ത് വായിക്കുമ്പോൾ, ഒരു പ്രതിഭയുടെ നാളത്തെ നിഴലാട്ടങ്ങൾ ഇപ്പോഴേ അറിയാനാകും;”വായിക്കുമ്പോൾ രണ്ടു വരിയും വായിച്ചുകൊണ്ടിരിക്കുമ്പോൾ ഇരുന്നൂറു വരിയും വായിച്ചു കഴിഞ്ഞപ്പോൾ രണ്ടായിരം വരിയുമായി പ്രണയ മഴ എനിക്കനുഭവപ്പെട്ടു “വെന്ന് .

.ആദർശ് അഞ്ചൽ.